Sunday 11 February 2024

ദന്തമഹാപുരാണങ്ങള് - #n

 ഡോ.ബ്രഹ്മദത്തന്‍ MDS: ദന്തക്ഷയത്തിന്റെ പല അവസ്ഥാന്തരങ്ങള്‍ കേട്ടിരിക്കുണൂ. പക്ഷേ ഇത്ര ഭയാനകമായ ഒരു വേര്‍ഷന്‍ ഇതാദ്യാ ...


അപ്പൊ ഈ കുട്ടിയുടെ ഇത്രയും ക്ഷയിച്ച അണപ്പല്ല് ഇപ്പോഴും അവിടെത്തന്നെ ഉണ്ട് ?

ഡോക്ടർ സണ്ണി BDS : ഉം..

ബ്ര : ഇത്രയും അടുത്ത കൂട്ടുകാരനായ സ്ഥിതിക്ക് തനിക്ക് അയാളോട് പറഞ്ഞുകൂടെ..എത്രയും പെട്ടെന്ന് ചികിത്സ ആരംഭിക്കാൻ?

ഡോ : ഗംഗയുടെ അണപ്പല്ല് ആരോഗ്യത്തോടെ ഇനി കൂടിയാൽ ആറു മാസം മാത്രമേ ശേഷിക്കൂ..അത്രയും സമയം കൂടെ അവൾ ഐസ്ക്രീമും ചോക്ക്ലേറ്റും കഴിച്ചോട്ടെ..

ബ്ര : സണ്ണീ, താനെന്താ ഉദ്ദേശിക്കണേ?
ആ കുട്ടിയോട് കാര്യം തുറന്ന് പറഞ്ഞേക്കൂ.. എന്നാലെങ്കിലും മനസ്സിലാക്കട്ടെ..

ഡോ : ഇല്ല.. എനിക്ക് ഇനിയും കുറച്ചു ദിവസങ്ങൾ കൂടി ബാക്കിയുണ്ട്.

ബ്ര : അനുഭവജ്ഞാനം കൊണ്ടും പിന്നെ തന്നോടുള്ള വാത്സല്യം കൊണ്ടും പറയുകയാണ്.. ഇതിന് പരിഹാരല്ല്യ.. ഇറ്റ്സ് ഇൻക്യുറബ്ൾ.

ഡോ : ദന്തവൈദ്യശാസ്ത്രത്തെ സാറിനോളം അടുത്തറിഞ്ഞവരിലാണ് ഞാനെന്റെ ഗുരുക്കന്മാരെ കാണുന്നത്. പക്ഷേ എനിക്കിവിടെ നിങ്ങളെയൊക്കെ നിഷേധിച്ചേ പറ്റൂ.. ഞാൻ പഠിച്ചതിനെ മുഴുവൻ എനിക്ക് നിഷേധിച്ചേ പറ്റൂ. ഒരു ഡെന്റൽ സർജ്ജനും സഞ്ചരിച്ചിട്ടില്ലാത്ത വഴികളിലൂടെയൊക്കെ ഞാൻ സഞ്ചരിച്ചെന്നിരിക്കും.. ഒരു ഭ്രാന്തനെപ്പോലെ..
ഗംഗയ്ക്ക് വേണ്ടി ... എന്റെ കാലത്തെ BDS graduates ന് വേണ്ടി..
അയാം ഗോയിങ് റ്റു ബ്രേക്ക് ഓൾ കൺവെൻഷണൽ കോൺസെപ്റ്റ്സ് ഓഫ് ഡെന്റ്റിസ്ട്രി.

ബ്ര: കൊള്ളാം മോനെ.. നിന്നെ ഞാൻ നിരുത്സാഹപ്പെടുത്തുന്നില്ല..എനിക്ക് പരിപൂർണ്ണ വിശ്വാസമായി. ശ്രമിച്ചോളൂ..പക്ഷേ എങ്ങനെ?

ഡോ : Grossly Decayed ആയ, Deep caries with near pulpal exposure ആയ പല്ലുകളെ ചികിത്സിക്കാൻ പല മാർഗങ്ങളുണ്ട്. പക്ഷേ,ഒടുവിൽ അവയെല്ലാം ചെന്നെത്തുന്നത് RCT അല്ലെങ്കിൽ extraction & implant എന്നീ പതിവ് രീതികളിൽ തന്നെയാണ്.
അതിന് ഞാൻ വേണമെന്നില്ല.

ബാല്യത്തിൽ തന്നെ ചോക്ലേറ്റുകൾ കഴിച്ച് ദ്രവിച്ച് തുടങ്ങിയതാണ് ഗംഗയുടെ പല്ലുകൾ.
എന്തോ ഭാഗ്യത്തിന് circumferential enamel rim ഉള്ളത് കൊണ്ട് രക്ഷപ്പെടാൻ ഒരു നേരിയ സാധ്യത ഞാൻ കാണുന്നു. ശേഷം ബാക്കിയായ Dentin നോട് maximum bond strength കിട്ടാൻ സാറിന്റെ കയ്യിലുള്ള Clearfill SE Protect Bonding agent എനിക്ക് വേണം. പിന്നെ Ribbond Fiber reinforced composite. സാര്‍ റിസര്‍ച്ച് ചെയ്യുന്ന Biomimetic Restorative Dentistry പ്രോട്ടോക്കോള്‍സ് ന്‍റെ ഒരന്തരീക്ഷം . ഇത്രയുമായാല്‍ പ്രതീക്ഷയുടെ ഒരു നേര്‍ത്ത വഴി എനിക്ക് തുറന്നു കിട്ടും .ആ വഴിയിലൂടെ എനിക്ക് പോകാം .

ബ്ര : താൻ ധൈര്യമായിട്ട് മുന്നോട്ട് പൊക്കോളൂ. ഞാൻ പുറകിൽ ഉണ്ട്.





#ദന്തമഹാപുരാണങ്ങള്

Sunday 11 April 2021

ഡെന്റല്‍ സര്‍ജന്‍മാര്‍ക്കും ജീവിക്കണ്ടേ ?

 നമസ്കാരം ഡോക്ടര്‍ ..

Beautiful clinic..ഇന്റീരിയര്‍ ഡിസൈന്‍ ഒക്കെ അടിപൊളി ആയിടുണ്ട് . ഇത്  ഡോക്ടറുടെ സ്വന്തം ക്ലിനിക്ക് ആണോ അതോ ലീസിനോ  ?

അസിസ്റ്റന്റ്‌ :  ലീസിനോ ? ഹും.. ആ ഇരിക്കുന്ന ഓരോരോ file വരെ സരോജ് സാര്‍ സ്വന്തമായിട്ട് വാങ്ങിയതാ ..


ആണല്ലേ ? എനിക്ക് തോന്നി .. ആ ഭിത്തിയില്‍ ഒട്ടിച്ചുവെച്ച പല്ലുകളുടെ arrangement ല്‍ അടക്കം ഒരു കലാകാരന്‍റെ കരവിരുത് പ്രകടമായിട്ട് കാണാം ..


ഹുമ് ഹുമ് ഹുമ് ..ഇതില്‍ വലിയ കാര്യങ്ങളൊന്നുമില്ല .പെട്ടെന്ന് തട്ടിക്കൂട്ടിയതാ .. ടൌണില്‍ ഞാന്‍ പുതിയൊരു ക്ലിനിക്ക് പണിയുന്നുണ്ട് ..എക്സ്ക്ലൂസിവ് എസ്തെടിക്ക് & എന്‍ഡോഡോന്റിക്ക് സ്പെഷ്യല്‍ടി ആയിട്ട്.. ഇന്‍സ്ട്രുമെന്റ്സ് മൊത്തം സ്റ്റൈല്‍ ഇറ്റാലിയാനോടെയാ .. പക്ഷേ ഹോ ..ഓരോ ചെറിയ   ഇന്‍സ്ട്രുമെന്റ്സ് നും എന്താ ഇപ്പൊ വില !! കോംപോസിറ്റ് മൊത്തം  3M ന്‍റെയാ …ജര്‍മ്മനി.. മൈക്രോസ്കോപ്പ് ലാബോമെഡ് ന്റെയാ.. അമേരിക്കൻ..എല്ലാം തീ പിടിച്ച വിലയാ..


ഡെന്റിസ്റ്റുകൾ പ്രതിഫലം കൂട്ടുന്നു കൂട്ടുന്നു എന്നെല്ലാവർക്കും പരാതിയാണല്ലോ? ഇതു പറയുന്നവൻമാര് വിചാരിച്ചാൽ style italiano ടെയും J. Morrita യുടെയും വില കുറയ്ക്കാൻ പറ്റുമോ? ഉം? പറ.. ഉം ഉം?


അസ്സിസ്റ്റ്ന്റ് : സരോജ് സാറിനാണെങ്കിൽ രാവിലെ തന്നെ  2-3 സ്‌മൈൽ ഡിസൈനിങ് case ഉണ്ടാവും.. ഉച്ചയ്ക്ക് പിന്നെ നിരത്തിപിടിച്ച് RCT അപ്പോന്റ്റ്മെന്റ് കൊറേ എണ്ണം.. വൈകീട്ട്  ഒന്നോ രണ്ടോ broken instrument retrieval..അത് തന്നെ മിക്കതും reffered case.


(മൊബൈൽ റിങ്ങ് ചെയ്യുന്നു )

ഹലോ.. ലാബീന്നോ? ഉണ്ടല്ലോ.. കൊടുക്കാം.

മാനേജർ.. ഡെന്റ്കെയര്‍  ലാബ്..


ഡോ.സരോജ്കുമാർ : എന്തൊക്കെയുണ്ടാശാനേ..? ഈ പാവങ്ങളെയൊന്നും മറന്നിട്ടില്ല അല്ലേ.. ഹഹഹ..

അയ്യോ എന്ന്?

അന്ന് ഞാൻ മാൽ ഡീവ്സിലാണല്ലോ? അല്ലേ?

അടുത്ത ദിവസം ഞാൻ പോളണ്ടിലേക്ക് പോകുകയാണ്.. അത്.. ഞാനവിടെ ഒരു കോഴ്സ് പഠിക്കാൻ ..


നേരിട്ട് വരാൻ പറ്റിയില്ല എങ്കിലും.. വേറെന്തെങ്കിലും ആവശ്യമുണ്ടെങ്കിൽ തെളിച്ചു പറയന്റെ കുട്ടാ.. ഉം ..പറ..


ലാബ് മാനേജർ : സാർ.. 2-3 മാസത്തെ ബില്ല് പെന്റിങ് ആണ്.. അതിൽ കുറച്ചെങ്കിലും ഈ മാസം സെറ്റിൽ ചെയ്യാൻ പറ്റുമെമെങ്കിൽ വലിയ ഉപകാരം..


ഡോ : ശരി ശരി..

പിന്നെ എന്റെയാ patient ന്റെ ആറ് യൂണിറ്റ് വെനീർ ഒന്ന് പെട്ടെന്ന് ശരിയാക്കി തരണേ. എനിക്ക് ഉടനെതന്നെ അത് pt ന് ബോണ്ട്‌ ചെയ്യാനുള്ളതാ.. ഇതിപ്പോ തന്നെ ശരിയാക്കിയേക്കാം..ഓക്കേ.


(തിരിഞ്ഞ് അസിസ്റ്റന്റ് നോട്‌ ) ആ.. പച്ചാളം.. ഇന്ന് തന്നെ ഒരു ലക്ഷത്തിന്റെ ചെക്ക് എടുത്ത് ലാബിലേക്ക് അയച്ചു കൊടുക്കണേ.. മുൻപത്തെ ഏതോ പെൻഡിങ് ബില്ലാ..


കണ്ടില്ലേ? ഡെന്റിസ്റ്റുകൾ കാശ് വാങ്ങുന്നുണ്ട്.. പക്ഷേ അവർക്ക് അതുപോലെതന്നെ ചെലവുകളുമുണ്ട്. അതെന്താ ആരും മനസ്സിലാക്കാത്തത്?


സത്യം പറയാലോ ഒരു മാസം തട്ടിമുട്ടി പ്രാക്ടീസ് മുന്നോട്ടു കൊണ്ടുപോകണമെങ്കിൽ തന്നെ ഒരൊന്നൊന്നര ലക്ഷം രൂപ വേണം.


അസി : ചെല മാസങ്ങളിൽ അത് രണ്ട് വരെ പോകും.


ഡോ : അതേത് മാസം?


അസി : യേപ്രിൽ.


ഡോ: ആ.. അതാ പറയുന്നത് ഞങ്ങളുടെ വിഷമങ്ങൾ patients ഉം bystanders ഉം മനസ്സിലാക്കുന്നില്ല.




Monday 27 April 2020

2220

വല്ലാത്ത ചങ്കിടിപ്പായിരുന്നു ആ നിമിഷം എനിക്ക്. കല്ല്യാണത്തിന് മുന്നോടിയായി ഇങ്ങനെയൊരു ചടങ്ങ് ഒരു പതിവ് പോലെ എന്തായാലും  വേണമല്ലോ.. എന്ന ചിന്തയിൽ മാത്രം  സമ്മതിച്ചതായിരുന്നു. 

"നീഹ ഒന്നും  പറഞ്ഞില്ല" എന്റെ തൊണ്ടയിൽ എന്തോ തടഞ്ഞ പോലെ.. യുണ്ട്. 

ചുറ്റും കൗതുകത്തോടെ കറങ്ങിത്തിരിയുകയായിരുന്ന രണ്ട് കണ്ണുകൾ പെട്ടെന്ന് എന്റെ നേരെ തിരിഞ്ഞ്, നോട്ടങ്ങൾ തമ്മിലുടക്കി.. 

ഹാ.. ആ കണ്ണുകൾ!!
ചില സിനിമാതാരങ്ങളെ ഓർമിപ്പിക്കുന്ന നീണ്ട കൺപീലികളും  കുഞ്ഞു സ്ഫടിക ഗോളം  പോലെ തിളങ്ങുന്ന കൃഷ്ണമണികളും.. 

"നോക്കൂ സിദ്ധാർത്ഥ്.. അങ്ങനെ വിളിക്കാമല്ലോ അല്ലേ? ഇപ്പോൾ തന്നെ ഇത് പറയുന്നത്  ശരിയാണോ എന്നെനിക്കറിയില്ല.. my friends always say i shouldn't be too open എന്നൊക്കെ.. പക്ഷേ ഇതാണ് ഞാൻ.. and i feel like honesty is important in a marriage.. dont you think?  

"Yeah..yeah..  definitely." ഹെന്റമ്മോ..  എന്താണീ കൊച്ച് പറയാൻ പോകുന്നത്?   

അച്ഛന്റെ  നിർബന്ധം കാരണമാണ് matrimonial site  വഴി relation നോക്കാം  എന്ന് ഞാൻ  തീരുമാനിച്ചത്.  അങ്ങനെ ഒട്ടേറെ സ്‌ക്രീനിങ്  കഴിഞ്ഞ് തെരഞ്ഞെടുത്ത  ആദ്യത്തെ ആളാണ് നീഹ.
Site ന്റെ analysis പ്രകാരം ഞങ്ങൾ തമ്മിൽ ഉള്ള  compatibility 90%+ ആണ്. 80% പോലും കടക്കാത്ത partners നെയാണ് അവരൊക്കെ വിവാഹം കഴിച്ചത് എന്ന് എന്റെ ഫ്രണ്ട്സ് എല്ലാം പറഞ്ഞപ്പോൾ തന്നെ എന്റെ പ്രതീക്ഷകൾ ആകാശം മുട്ടി.. it's very rare and hence you are lucky  എന്നാണ് അവരൊക്കെപ്പറഞ്ഞത്.  അതുകൊണ്ട് തന്നെ ഇത്   മുടങ്ങിയാൽ ഈ ഒരു ഇടപാട് തന്നെ ശരിയല്ല എന്ന ചിന്തയിൽ ഞാൻ എത്താനാണ് സാധ്യത.
ഇത്രയും കാലത്തെ പോലെ വീണ്ടും live in ലേക്ക് തന്നെ തിരിച്ചുപോവാം. അമ്മയ്ക്ക് ആ  തീരുമാനം ഒട്ടും പിടിക്കാത്തത് കൊണ്ട് മാത്രമാണീ old school സമ്പ്രദായങ്ങൾക്ക് തല വെച്ച് കൊടുക്കുന്നത്. 

"I like open spaces... you know"
ഇമ്പമുള്ള ആ ശബ്ദം എന്നെ ചിന്തകളുടെ ഉയരങ്ങളിൽ നിന്നും വലിച്ചിറക്കി. 

"May be ജോലിയുടെ ഭാഗമായി അങ്ങനെ ഒട്ടേറെ ഇടങ്ങളെപറ്റി ചിന്തിക്കുകയും മനസ്സിൽ സങ്കല്പിച്ച് കാണുകയും ഒക്കെ  ചെയ്തത് കൊണ്ടാവാം. I feel claustrophobic in small or congested rooms.
I think you  understand what i mean." അവൾ  ഒരു ചെറിയ hesitation  കലർന്ന ശബ്ദത്തോടെ പറഞ്ഞു നിർത്തി. 

ഓ..  അപ്പൊ അതാണ് വന്ന ഉടനെ എന്റെ ബെഡ്‌റൂം ഇങ്ങനെ സ്കാൻ ചെയ്തോണ്ടിരുന്നത് അല്ലേ..ഗൊച്ചു ഗള്ളി ? 

"Ah.. it's alright. വിവാഹത്തിന് മുൻപ് നമുക്കൊരുമിച്ച് പറ്റിയ ഒരു അപാർട്മെന്റ് കണ്ടുപിടിക്കുന്നതിൽ എനിക്ക് വിരോധമൊന്നുമില്ല  " ഞാൻ ആശ്വാസത്തോടെ പറഞ്ഞു. 

"That means 'നമ്മൾ'  എന്നത് ഒരു  സാധ്യതയിൽ നിന്ന് മുന്നോട്ട് പോവാം എന്ന് നീഹ തീരുമാനിച്ചു എന്ന് ഞാൻ കരുതിക്കോട്ടെ? " 

"ഓ..  ഷുവർ. you are smart & good looking..got a good job,  have forward thinking..obviously our C-score is above 90.. എനിക്കിതുവരെ 50% കടന്ന ഒരു പാർട്ണറെ കിട്ടിയിട്ടില്ല.Did You know that? 

"എന്റെയും  ആദ്യത്തെ experience ആണ് ഇത് " ഞാൻ ചമ്മൽ ഒരു പുഞ്ചിരിയിൽ ഒളിപ്പിച്ചു  
 
"സിദ്ദുവിനറിയാമോ ഒരു  നൂറു വർഷം മുൻപ് വരെ പോലും  നമ്മുടെ സൊസൈറ്റി വളരെ... what can i say?..  ക്രൂഡ്..  ആയിരുന്നു.
There was something called horoscope and.. all.  ജാതകം എന്നോ മറ്റോ ആണ് മലയാളത്തിൽ.. പറയുക. 
പെണ്ണ് കാണൽ എന്നൊരു ചടങ്ങ് പോലും ഉണ്ടായിരുന്നത്രെ... can you believe it? അവളുടെ ഭംഗിയുള്ള മുഖത്ത് അത്ഭുതാശ്ചര്യങ്ങൾ വിരിഞ്ഞു. 

"എന്റെ grandparents പോലും അങ്ങനെയൊക്കെയാണ് meet ചെയ്തത്. കാലം മാറുമ്പോൾ ഇതെല്ലാം അനാവശ്യമാണെന്ന് പിന്നെ വന്നവർ മനസ്സിലാക്കിക്കാണും" 
അവൾ  പെട്ടെന്ന് വാചാലയായത് ആസ്വദിച്ചുകൊണ്ട് ഞാൻ പറഞ്ഞു. 

Btw,  I've been meaning to ask you in person. ആ  ചോദ്യം എന്തിനാണ് skip ചെയ്തത്? 
അറിയാമോ..  ആ ചോദ്യത്തിന്റെ ഉത്തരം ആണ് മറ്റു പലരുമായും ഉള്ള  C-score below 50 ആക്കിയത്.
നിങ്ങൾ ആണുങ്ങൾ മിക്കവരും ഇപ്പോഴും വേറേതോ കാലത്തിലാണ് എന്ന് തോന്നി എനിക്ക് പലരുടെയും ഉത്തരം കണ്ടപ്പോൾ. But you struck to me as different. 

അവളുടെ ശബ്ദത്തിൽ നിന്ന് "I'm impressed" എന്ന് ഞാൻ വായിച്ചെടുത്തു.
അങ്ങനെ അവസാനം ഞാൻ പ്രതീക്ഷിച്ച നിമിഷം ഇതാ.. അരികെ.

ഞങ്ങൾ  മെല്ലെ നടന്ന് കിച്ചണിൽ എത്തിയിരുന്നു.ഞാൻ സ്റ്റോവ് ഓണാക്കി. കെറ്റിൽ എടുത്ത് വെള്ളം ചൂടാക്കി..

"അതിനുള്ള  ഉത്തരം ഞാൻ കെയർഹോമിൽ  നീഹയുടെ parentsനെ  കാണാൻ വരുമ്പോൾ പറയാം.Do you like Tea / Coffee? "