പന്തം

ചിന്തകള്‍ക്ക് തീ പിടിക്കുമ്പോള്‍

ഞാനൊരു പന്തമാകുന്നു.

കൂടുതല്‍ ചൂടും

കുറച്ചു മാത്രം വെളിച്ചവും

കുറെയേറെ പുകപടലങ്ങളു-

മുരുവാക്കുന്നൊരു കുറ്റിച്ചൂട്ട് .

അവനവന്‍കടമ്പയെ മറികട-

ന്നൊരു കാട്ടുതീയാളിപ്പടരാന്‍

ഒരു നിമിഷത്തിന്‍റെ  അകലം.

ഉടുക്കാന്‍ ജനങ്ങള്‍ക്ക്

വസ്ത്രങ്ങള്‍ ഇല്ലാത്തതുകൊണ്ടുമാത്രം

നഗ്നത നിയമപരമായിരിക്കുന്ന രാജ്യത്ത്

ഒരു പക്ഷേ , ഞാനും നഗ്നനായിരിക്കാം.

എങ്കിലും, ഞാന്‍ വിളിച്ചുപറയും

"രാജാവ് നഗ്നനല്ലേ....  "