വൈറസ്

പ്രകൃതിയുടെ സാമൂഹ്യക്രമത്തില്‍ ,അധഃകൃതൻ 

പരിണാമത്തിന്റെ കാനേഷുമാരിയില്‍ , ആദിമഗോത്രം 

മാനവ ചരിത്രത്തിന്‍റെ  ഒഡീസിയില്‍, ട്രോജന്‍ കുതിര

പടക്കളത്തില്‍ ഇറങ്ങുന്നതുവരെ ,

ജാംബവവാക്യം കേള്‍ക്കാത്ത ഹനുമാന്‍

മനുഷ്യനെന്ന ഗോലിയാത്തിനെതിരെ

 പ്രകൃതിയുടെ ദാവീദ്

മനുഷ്യനോടുള്ള പ്രകൃതിയുടെ

                 ചീട്ടുകളിയില്‍, തുറുപ്പ് ചീട്ട്

                 വര്‍ഗ്ഗ സമരത്തില്‍ , മാവോയിസ്റ്റ് 

                ലോകമഹായുദ്ധത്തില്‍, അണുബോംബ്‌  

ഒരു പക്ഷേ,  

മനുഷ്യരാശിയുടെ അന്തിക്രിസ്തു