Sunday, 20 November 2016

ഈയാംപാറ്റകള്‍


  കരിന്തിരി കത്തി കെടുവാന്‍ വെമ്പുന്ന 
വിളക്കിനു ചുറ്റും പ്രദക്ഷിണം വെയ്ക്കുന്നു 
വെളിച്ചം  മാത്രമാണന്നമെന്നപോല്‍ 
വികലവൃത്തങ്ങളിലീയാംപാറ്റകള്‍!  

എവിടെയായിരുന്നിരിക്കാമിത്രയും കാല- 
മിവ , കരുണയായ്‌ മഴ കിനിയുന്നതും നോക്കി  
കൂരിരുള് മൂടിയ മണ്ണിന്‍റെ മാറില്‍  , 
പരസ്പരം ചിറകുരുമ്മി കാത്തിരുന്നത് ?

ഒരു വിനാഴിക പോലുമേറാത്തത്രയും 
ചെറിയതാണിവയുടെ  ജീവിതമെങ്കിലും 
നിയതിതന്‍ സത്യപ്രവാചകരാവുന്നുവോ 
ഉയിരറ്റുവീഴുമീപ്പാവ,മീയാംപാറ്റകള്‍ ?


2 comments:

  1. പുതുമഴയ്ക്കുശേഷം.....
    ആശംസകള്‍

    ReplyDelete
  2. എവിടെയായിരുന്നിരിക്കാമിത്രയും കാല-
    മിവ , കരുണയായ്‌ മഴ കിനിയുന്നതും നോക്കി
    കൂരിരുള് മൂടിയ മണ്ണിന്‍റെ മാറില്‍ ,
    പരസ്പരം ചിറകുരുമ്മി കാത്തിരുന്നത് ?

    ReplyDelete