നിങ്ങള് ദാരിദ്ര്യ രേഖ കണ്ടിട്ടില്ല എന്നോ?
ഈ തീവണ്ടിയിലെ
ജനറല് കമ്പാര്ട്ട്മേന്റിലെക്ക് വരൂ..
നാട്ടില്നിന്നും നഗരത്തിലേക്കും
തിരിച്ചും പോയ്വരാന് ,
രൂക്ഷഗന്ധം വമിക്കുന്ന ശൗചാലയത്തിന്റെ അരികിൽ
തുറന്ന വാതിൽപ്പാളിയിൽ ഉടുമ്പ് പോലെ അള്ളിപ്പിടിച്ചും,
തിക്കിത്തിരക്കി, ഒറ്റക്കാലിൽ നിന്നും,
കിട്ടുന്നയിടങ്ങളിൽ മെയ്യിറക്കിവെച്ചും ക്ഷീണിച്ച,
പല ഭാഷയിലുള്ള നിശ്വാസങ്ങള്ക്കിടയിലൂടെയാണത്
വളഞ്ഞുപുളഞ്ഞ് കടന്നു പോകുന്നത്.
( ലോക്കൽ കംപാർട്ട്മെന്റ്,
അങ്കമാലി മുതല് തൃശൂർ വരെ
00: 35എഎം)
No comments:
Post a Comment