എഴുതപ്പെടുകയല്ല , നീ
സംഭവിക്കുകയാണ് .
ഇടിമിന്നല് പോലെ -
സംഘര്ഷമേറിയ വികാരവിചാര-
വര്ഷമേഘങ്ങള്തന് സ്നേഹ
ഘര്ഷണവീചികളായി.
ചിന്തകളൊന്നുമില്ലാത്ത ശൂന്യതയില്
പൊടുന്നനെയെങ്ങുനിന്നോ വന്നെത്തി
നിമിഷനേരത്തില് അലക്ഷ്യമായെങ്ങോ
കുതിച്ചുപായുന്ന കൊള്ളിമീന് പോലെ.
വഴിയറിയാതെ വളഞ്ഞെങ്ങുപോയാലും
അതിവിദൂരമാമഗാധസാഗരത്തിലേക്കു
പ്രകൃതിതന് പ്രേമഗുരുത്വമെപ്പോഴും
വലിച്ചടുപ്പിക്കുന്ന പുഴകളെപ്പോലെ.
ഓരോ പ്രകാശരാഗരശ്മിയും പുല്കി
വറുതിയിലേക്കമൃത് കടഞ്ഞെടുക്കുന്ന
ഹരിതദലങ്ങള് സമയവാതത്തി-
ലരുണാഭമായി പൊഴിയുന്നപോലെ.
എഴുതപ്പെടുന്നതൊന്നുമല്ല നീയെന്ന
വെളിപാട് തന്നെ വെളിച്ചം .
എഴുതപ്പെടുകയല്ല ,
ReplyDeleteസംഭവിക്കുകയാണ് .
നിമിഷകവികളുടെ വെളിപാടുകള്
നന്നായിരിക്കുന്നു
ആശംസകള്
വെളിപാടുകള് തരുന്ന വെളിച്ചമൊന്ന് വേറെ തന്നെ
ReplyDeleteവെളിപെടലുകൾ തുടരട്ടെ... അഭിനന്ദനങ്ങൾ
ReplyDeleteവഴിയറിയാതെ വളഞ്ഞെങ്ങുപോയാലും
ReplyDeleteഅതിവിദൂരമാമഗാധസാഗരത്തിലേക്കു
പ്രകൃതിതന് പ്രേമഗുരുത്വമെപ്പോഴും
വലിച്ചടുപ്പിക്കുന്ന പുഴകളെപ്പോലെ.